شنطة للأطفال من الجوخ 2016,شنطة أعمال يدوية

شنطة للأطفال من الجوخ 2016,شنطة أعمال يدوية
السلام عليكم ورحمة الله وبركاته

النهاردة حاقدم ليكم شنطة من أعمالى عملتها نشاط الآنسة كنزى اللى مغلبانى ربنا يهديها يارب

أنا جبت قماش جوخ لونه كحلى
كوفية قديمة عندى استخدمتها لعمل جيب ويد للشنطة
طبعا انتى ممكن تستخدمى أى اكسسوار أو أى توكة قديمة لتزيين الشنطة وانتى وذوقك طبعا
ممكن برضه لو ليكي في التطريز مافيش مشكلة

أولا حتقصي القماش على أربع قطع مستطيلة عشان الشنطة تكون سميكة
وحتقلبى القماش وتبدأى تخيطى أنا خيطت خياطة يدوية لإن ماعنديش ماكينة خياطة سراجة عادية وتقفلى أى فراغ عندك

نيجي بقى لقفلة الشنطة انتى ممكن تعمليها بسوستة لكن أنا قصيت قطعة مستطيلة بمقاس الشنطة عندى وخيطتها من فوق حطيت اسكوتش لزق من الجانبين لقفل الشنطة

نيجى لجيب الشنطة قصيت جزء من الكوفية بتاعت جنى وعملت بيها جيب وأخدت الباقى وخيطته عشان ايد الشنطة

تعالوا نشوف الشكل النهائي للشنطة

شنطة للأطفال من الجوخ 2016,شنطة أعمال يدوية


شنطة للأطفال من الجوخ 2016,شنطة أعمال يدوية
0