طريقة عمل ساعة ديكور بالعصافير لمنزلك ومن صنع يديك.افكار منزلية حلوة
مين بتحب الأشغال اليدوية ؟
مين بتحب الديكور والتجديد ؟
أوقات كتير بنشوف في محلات الديكور حاجات شيك جدا بس بتبقى غالية جدا مع إن فكرتها سهلة التنفيذ وبسيطة
النهاردة في تحدي بين الشغل اليدوي وشغل المحلات نوارة هتقدم لكم ساعة شيك جدا والصور تحكم
دي الساعة اللي عملناها
ودي الساعة اللي في مجلة الديكور اللي قلدناها
ايه رأيكم نبدأ في الطريقة والخطوات ؟
أول حاجة خالص هنرسم أشكال العصافير على ورق أبيض وترسم فروع الشجر
هنجيب كارتون مقوى ونقصه على أشكال الباترون اللي عملناها
وكده بقى عندنا عصفورة حلوة
افرشي جرايد ورشي العصافير باللون الأسود اسبراي أسود علشان
تطلع زي الموديل اللي اخترناه
ممكن تغيري اللون زي ماتحبي
وفروع الشجر هنغطيه باسبراي أخضر
هنسيبهم نص ساعة علشان ينشفوا تماما
وهنجهز مسدس الشمع
ونعمل عيون حلوة للعصافير بتاعتنا
نبدأ في المهم هاتي شكل الساعة قدامك وابدأي الزقي
العصافير زي الشكل بالظبط وثبتي بمسدس الشمع
بعد كدة هنلزق سلك طويل في الساعة من الخلف وننزل منه العصفور الصغير
سلك كمان وهنثبته يمين في الساعة ونلزق عليه العصافير والفروع
والسلك الشمال هنوقف عليه كام عصفورة ونلزقهم بمسدس الشمع
بس خلاص مش باقي غير تختاري مكان حلو في شقتك
وتحطي الساعة وتبهري ضيوفك
دا كان شكل الساعة في الأول
ودي الساعة بعد ماوقفت عليها العصافير
ايه رأيكم ؟
محلات الديكور ولا شغل البيت ؟
ليست هناك تعليقات:
إرسال تعليق